Stekli su se svi uslovi za izradu Glavnog projekta jednog od najznačajnijih infrastrukturnih poduhvata u Pljevljima – savremenog kompleksa zatvorenog bazena i multifunkcionalne sportske dvorane.
Projektni zadatak, koji čini sastavni dio tenderske dokumentacije Ministarstva javnih radova, predstavlja temelj za realizaciju projekta koji nadilazi lokalni značaj i postaje simbol nove razvojne faze Pljevalja.Kao ključna investicija u okviru Plana za oporavak Pljevalja, projekat se finansira iz kapitalnog budžeta države, uz procijenjenu vrijednost od 10 miliona eura.
Riječ je o strateškom ulaganju koje potvrđuje posvećenost stvaranju kvalitetnijih uslova za život, rad i ostanak u ovom gradu.Na nacionalnom konkursu izabrano je moderno i funkcionalno arhitektonsko rješenje koje ne predstavlja samo infrastrukturni objekat, već novu tačku okupljanja, razvoja i identiteta zajednice. Ovaj kompleks biće prostor sporta, rekreacije i zdravih stilova života, ali i platforma za razvoj mladih talenata i organizaciju regionalnih i međunarodnih događaja.
Realizacijom projekta Pljevlja dobijaju snažan razvojni impuls – unapređenje kvaliteta života građana, otvaranje novih radnih mjesta, podsticanje lokalnog ekonomskog razvoja i značajno jačanje turističkog potencijala.Ovo nije samo investicija u objekat – ovo je investicija u budućnost Pljevalja.
