Reprezentacija Crne Gore koju čine igrači kluba u sjedećoj odbojci iz našeg grada, drugog takmičarskog dana, na međunarodnom turniru u sjedećoj odbojci u Zenici zabilježila dvije pobjede u grupi 3 i osvojila je sedmo mjesto u ukupnom plasmanu.
Naša ekipa je bila bolja od ekipe Bajer 04 Leverkuzen sa 2:0 u setovima i od hrvatske ekipe Buzin sa 2:1.
„Turnir u Zenici definitivno je najjači turnir na kojem je učestovovala naša reprezentacija do sada. Zadovoljna sam igrom naše ekipe, posebno drugog takmičarskog dana. Učešće na ovakvim turnirima predstavljaju veliko bogastvo za dalji razvoj sjedeće odbojke u Crnoj Gori“, kazala je Ivana Vraneš, trener naše reprezentacije u sjedećoj odbojci.
Juče je naša selekcija u A grupi izgubila od domaćina, ekipe Bosne sa 2:0 i istim rezultatom od reprezentacije Slovenije.
