Nakon poraza od Budućnosti i iznenađujućeg jakog otpora podgoričkom timu mnogi drugačije gledaju na Rudar, apetiti navijača naglo su porasli, ali loptu treba spusti na zemlju i prihvatiti realnost. Naravno potrebno je da u subotu od 17 i 30 publika dođe na stadion i podrži klub kada je najteže, a kako Pvportal saznaje ulaz za utakmicu 2. kola Prve lige Rudar-Grbalj biće besplatan.
Prije desteak dana kada je došao trener Edis Mulalić na stadionu je zatekao svega sedam prvotimaca. Mukotrpnim radom uprave dovedeni su igrači koji mogu da odgovore trenutnoj situaciji i prilagode se okolnostima. Do sada nije zabilježen slučaj u evropskom fudbalu da ekipa počne elitno takmičenje bez priprema i da prvoligaška premijera bude prva utakmica na dva gola jednog tima, kao što je to bio slučaj sa Rudarom na Starom aerodromu.
–Upravo tako je bilo, ali mene niko nije tjerao to radim. O svemu sam bio dobro upoznat od Damira kada me je kontaktirao, ali ja lično osjećam da sam ostao dužan ovoj sredini i sada sam tu. Isto tako svaki igrač je ranije upoznat sa svemu u klubu i svi smo svjesni šta nas čeka. Ono što očekujemo je podrđška navijača kada je najteže. Lično sam se uvjerio koliko Pljevljaci vole klub i koliko im je stalo do Rudara. Nadam se da će oni biti naša snaga i taj vjetar u leđa koji je neophodan u ovakvim situacijama, kazao je Edis Mulalić trener Rudara.
