Povodom obilježavanja 20. novembra, Dana Sandžaka, lider Bošnjačke stranke mr Ervin Ibrahimović uputio je čestitku svim građanima, institucijama i organizacijama, koje proslavljaju ovaj dan.
“Obilježavanjem Dana Sandžaka čuvamo sjećanje na zasijedanje Zemaljskog antifašističkog vijeća narodnog oslobođenja Sandžaka (ZAVNOS) u Pljevljima 1943. godine. Ideja ZAVNOS – a je ideja multikulturalizma, antifašizma, multikonfesionalizma i ideja zajedničkog pregnuća svih u Sandžaku, bez obzira na bilo kakvu posebnost, u stvaranju uslova za slobodan, miran i dostojanstven život na ovim prostorima.
Danas, 79 godina poslije Prvog zasijedanja ZAVNO Sandžaka, sakupljati se oko tih ideja, opet je istorijska i civilizacijska obaveza današnje Crne Gore za bolji život budućih generacija na prostoru na kojem je dokazano da samo zajedno možemo stvarati bolju i prosperitetniju budućnost.
Svim antifašistima i svim Sandžaklijama srećan 20. novembar, Dan Sandžaka i godišnjica Prvog zasijedanja ZAVNOS – a, a Pljevljankama i Pljevljacima srećan Dan opštine Pljevlja”.
foto bscg.me
