Vatrogasci sa Žabljaka, od ranog jutra gase požar u zaleđu sela Ninkovići. Načelnik Službe zaštite i spašavanja Žabljak Drago Popović za Portal RTCG kaže da se požar širi prema kanjonu Tare i prijeti Nacionalnom parku.
“Požar je nastao sinoć oko 19.00 časova, na nepristupačnom terenu iznad sela Ninkovići. Požarom je zahvaćena mlada borova šuma. Na terenu je 5 vatrogasaca, gašenje požara otežava vjetar,” rekao je Popović.
On kaže da se požar širi prema kanjonu Tare i prijeti Nacionalnom parku.
“Dajemo sve od sebe i nadamo se da ćemo požar staviti pod kontrolu,” rekao je on.
