Naslovna Kultura Christopher Durang: Za umrijet od smijeha

Christopher Durang: Za umrijet od smijeha

0

U utorak 28. 05. 2019. godine u 20 h u Domu kulture u Pljevljima biće izvedena predstava Teatra Rugantino „Za umrijet od smijeha“ dramskog pisca Christophera Duranga.

Dramski tekst Laughing Wild (Za umrijet od smijeha) nagrađivanog američkog dramskog pisca i glumca Christophera Duranga nastao je 1987. godine, a kao ishodište mu je poslužio vlastiti stand up comedy nastup prerađen u dramu koja ironično i kritički progovara o američkom društvu kasnih osamdestih godina prošloga stoljeća.

Predstava je nastala u koprodukciji Teatra Rugantino i Kazališta Planet Art, koju je režirao Mario Kovač, a adaptirao Marko Torjanac.

Glavni junaci ove predstave, u interpretaciji Gordane Gadžić i Marka Torjanca, na ovom putovanju u budućnost tragaju za odgovorima na pitanja iz sadašnjosti:

Moramo li poludjeti kako bismo ostali normalni?

Smijemo li biti autentični?

Jesmo li dovoljno hrabri za takvo što ili se moramo skrivati u snovima?

Jesu li snovi  sigurno utočište?

Jesu li to uopšte naši snovi?

Ili tačnije – čije snove sanjamo,  treba li na njih pristati ili je krajnje vrijeme za prelazak na viši nivo?

Ulaznice po cijeni od 1.00 eura mogu se kupiti na biletarnici  Doma kulture 27 – 28. 05. 2019. godine od 12:00 do 20:00 časova.

Organizator predstave je Opština Pljevlja, Sekretarijat za društvene djelatnosti.

Mirjana Sandić učesnica projekta „Informacije bez prepreka“ koji finansira ZZZ CG